Монголчууд “Зовох цагт нөхрийн чанар танигдана” гэж ярьдаг. Олон удаагын Ардчилсан нийгэм, зах зээлийн эдийн засгийн тогтолцооруу шилжих шилжилтийн хүнд он жилүүдэд японы ард түмэн Монголчуудад хамгийн өгөөмөр тусламжийн гараа сунган тусалж байсан, одоо ч тусалсаар байгаа ард түмэн билээ.

Япон улсад байгалийн гамшгийн учруулсан хүнд гарз хохирлыг Японы ард түмэн сэтгэлийн тэнхээтэй хамтын хүчээр даван туулна гэдэгт Монголын ард түмэн итгэлтэй байна. Бид Японы ард түмэнд бүхий л чадах зүйлсээрээ туслах цаг ирлээ.

Танд байгаа сэтгэлийн өчүүхэн ч гэсэн хандив японы ард түмэнд энэ хүнд үеийг даван туулахад багадахгүй юм шүү. Иймээс японы ард түмэнд болон тус улсад амьдарч байгаа монголчууддаа бүгдээрээ тусалцгаая гэж Монгол Улсын Ерөнхийлөгч уриаллаа.
 

Энэ уриалгыг Манай сургуулийн хамт олон дэмжиж Нэг өдрийн цалинтай тэнцэх хэмжээний төгрөгний хандивыг Мэргэжил зорилго нэгт Техникийн болон Мэргэжлийн сургуулиудын холбооны дансанд хийж буяны үйлийг бүтээсэн ажлын хамт олондоо баярлахын ялдамд нийт  аж ахуйн нэгжүүд, залуус та бүхнийгээ чадах бүхнээрээ туслахыг уриалж байна!

Хандивын гараа сунгасан багш ажилтан ажилчид та бүхэнд ажлын өндөр амжилт аз жаргал хүсье!